October 9, 2009 a Lai, Mara leh Chakma District Council 3 hruaitute mi 39 Kamalanagar a in hmukhawm chuan Central sorkar-in Sixth Schedule Amendmend siam that rawtna a siamte Pu Hmunhre kaihhruaina hnuaiah a thlir ho a. An ngaih dan leh duh dante an sawi ho hnuah Sub Committee mi 6 a ruat a, heng mi 6 te hian ngaihdan (final) kar hnih chhungin siam se an ti.

Heng leader thukhawmte hian Chief Minister Pu Lal Thanhawla kaihhruai Mizoram sorkar-in District Council-te a enkawl danah lawmawm an ti a, Plan leh Non-Plan Fund kumin atan pek tam an ni hi lawmawm an ti lehzual a ni.

District Council pathumte hian sum hman dik leh a ram mipuite hnenah sum thlengpha, dik takah hnathawk leh fel taka administration siam theuh turin an in chah bawk.

Hmalam an kal chhoh zelna turah Chief Minister zahawm tak Pu Lal Thanhawla kaihhruai sorkar-ah rinna an nghat tlat a, Mizoram mipuite a hruaina ah theih tawpa thlawp tlat turin an in chah bawk a ni.