Vawiin chawhnu khan Parliamentary Secretary for Sports Pu S.Laldingliana chuan K-12 Tennis Academy, Rangvamual-ah K-12 North East Tennis Championship 2009 kharin lawmman a sem.
Thu sawiin Pu S.Laldingliana chuan sawrkar tharah infiammite tan beiseina thar a awm tiin, ‘Kan thalaitena an duh ber chu Stadium puitling a ni a, hemi atan hian hmalak mek a ni a. Kan sawrkar thar hian thalaite tan khawvel thar a chhawp chhuak dawn mek a, Sports Policy thar kan nei dawn. Policy tharah chuan a bul atangin kan tan tha ang a, eng Sports pawh nise a bul atanga kan thalaite leh naupangte basic training pe a bul tan kan tum a ni,’ a ti a. Tennis lama hmasawnna atana K-12 Tennis Academy nei tura Pu Herman S.Khuama te chhungkua thahnemngaihna ropui a tih thu Pu S.Laldingliana hian sawiin, ‘Hei hian midangte tana malsawmna kan nih theihzia a tarlang hle a ni,’ a ti.
K-12 North East Tennis Championship 2009 hi January 8, 2009 atang khan tan a ni a, January 8 - 16 chhung Under 14 Boys inelna neih niin January 15-23 chhungin Men’s Championship khelh a ni a. North East State hrang hrang bakah Delhi leh hmun dang atangin mi 32 ten inelna hi an nei a ni.
Vawiin chawhma Men’s Single final khelhah Joseph Z.Khuma chuan 6-1, 6-1 a Premsit, Manipur chu hnehin champion a ni a, Certificate leh Trophy bakah tangkafai Rs. 50,000/- a dawng a. Under 14 Boys-a champion Basil Khuma chuan Certificate, Trophy leh Rs. 35,000/- a dawng bawk a ni.
K-12 North East Tennis Championship 2009 hi January 8, 2009 atang khan tan a ni a, January 8 - 16 chhung Under 14 Boys inelna neih niin January 15-23 chhungin Men’s Championship khelh a ni a. North East State hrang hrang bakah Delhi leh hmun dang atangin mi 32 ten inelna hi an nei a ni.
Vawiin chawhma Men’s Single final khelhah Joseph Z.Khuma chuan 6-1, 6-1 a Premsit, Manipur chu hnehin champion a ni a, Certificate leh Trophy bakah tangkafai Rs. 50,000/- a dawng a. Under 14 Boys-a champion Basil Khuma chuan Certificate, Trophy leh Rs. 35,000/- a dawng bawk a ni.
