Tukin zing dar 10:00 khan Pu T.T. Zothansanga, Parliamentary Secretary, Food & Civil Supplies, Transport leh Tourism chuan Champhai a Chhangphut, Bethel leh Zotlang Field te a hmunah kalin a fang kual.

Nikum 2013 tawp lam atanga Artificial Grass phah tura sawngbawl mek a hmalakna te Pu T.T.Zothansanga hian Champhai District Sports lam hotute nen an en ho a, chumi hnuah Bethel leh Zotlang Field te tlawh leh nghal a ni.

Chhun dar 12:30 khan Champhai District Civil Supplies Office a tlawh lehnghal a, DCSO Pu H. Lalluaialeh office staff te nen inkawmhona tha tak an nei a ni.

Pu T.T.Zothansanga hian vawiina a tlawh kual hmun hrang hrang ah hian hmalakna lo awm tawh leh hmachhawp mek te chu a theih ang tawka lo enzui a, lo bawhzui a tum thu a sawiin, Supply chungchang ah chuan kalphung tha zawk a awm chuan a hlui chu a thara thlak mai tur a ni tiin mi pakhat fel loh avangin department pumpuia hmingchhe thei a, chuvangin hming hliauna a awm loh nan fel lohna a awm thei laka inven a pawimawh a ni tih sawiin- Supply chu mipuite ei bel ber anih avangin fimkhur a ngai a; bukna te pawh a diktawk em tih check reng tur a ni, weight bridge te pawh a chhe palh anih pawhin a rang lama siam tur a ni a ti a. Ei rawngbawlna gas pawh hnianghnar zawk, a mipui hnen a thlen theih nan ruahmanna tha zawk buaipui mek anih thu a;tarlan bawk.

Supply office ah hian DCSO Pu H.Lalluaia meeting kaihruaitu pawhin an office harsatna leh mamawh te Parliamentary Secretary; hnenah; hian lo thlenin supply chungchang ah thuthang a tam thin a, chungte chu hotu lamin fiah hmasa phawt thin se, chutah action lak ngai a awm anih chuan ti chauh thin se a duh thu a sawi lang a, Dan bawhchhe si lo a, mipui harsatnaleh manganna sutkian pui dan tur ruahman pui turin Pu T.T.Zothansanga chu a ngen bawk.

Pu T.T.Zothansanga hian natkuk atang hian a bial chhunga Hnahlan tlangdung leh Khawzawl leh Neihdawn te a fang kual leh dawn a ni.