Nimin chawhma khan Champhai D.C Conference Hall-ah Parliamentary Secretary Pu T.T.Zothansanga’n Champhai District a Head of Offices te meeting a neih pui.

He meeting Pu Lalthangpuia IAS, Champhai DC kaihhruai ah hian thu sawiin Pu T.T.Zothansanga chuan Champhai a officer awm te chu an awm tan atanga Champhai hmangaitu an ni thei zel chu lawmawm a tih thu sawiin Champhai hmasawnna atana thahnemngai taka hna an lo thawh tawhnaah lawmthu a sawi a. Champhai District hmasawnna tura fin chhuah zel turin a sawm nghal. Champhai a an awm chhunga hriatreng tlak thil tha an hnathawhna ah hnutchhiah theuh turin a chah office file reng reng eng file pawh nise pending awm lo a chak taka kaltir nghal zel tura ngenin department tinin an plan/project neih reng reng te rang taka bawhzui anih theih nan a hnena copy pe ve thin turin a chah bawk a ni.

Department hrang hrang te hnathawh chu a chhungril leh a technical etc te hre ve kelh lo mahsela, an thiamna te Champhai hmasawnna atana hmang tangkai zel turin Pu T.T. Zothansanga chuan a ngen a, hotu lian ah te hmalakpui zel a tum thu sawiin sawrkar department te leh ama mawhphurhna chu inang reng (50/50) a ni a ti. A sawi zel naah Pu T.T. Zothansanga chuan zingkar interview neih thin chu an office hun a tihbuai avangin sawrkar hmasa atanga tihtawp chu tun sawrkar ah pawh hian chhun dar 12:00 thleng neih chhunzawm zel tur anih zawk avangin department hotute leh mipuite pawhin hrethiam turin a ngen zui bawk a ni.

Vawiin meeting ah hian Champhai District chhunga department hrang hrang hotute sawmnga. chuang an tel, a, an department hnathawh hlawhtlin tawhna te leh hmachhawp mek, an harsatna te leh an mamawh te Parliamentary Secretary hnenah hian an thlen nghal a ni.

Nimin vek khan I & PR Conference Hall-ah Pu T.T.Zothansanga hian Champhai a NGO hruaitute a kawm leh nghal a, tlai dar 3:00 khan pawl hruaitu hrang hrang te a kawm leh nghal a ni.