Vawiin khan 1st MAP hmun ah 1st leh 2nd Batch HC(Opr) Passing Out Parade neih a ni. He hun hi Pu Saizela, IPS, DIG (Trg) Mizoram in a hmanpui a.

Vawiin a passing out parade ah hian hmeichhia 12 leh mipa 24 an vaiin 36 a chhuak a,an training hun chhung thla 5 ah khan 1st Batch te hian Parade days ni 80 an nei a, chumi chhung chuan Outdoor period vawi 400 leh Indoor period vawi 150 an nei a. 2nd Batch te hian Parade days ni 90 nei in, chumi chhung chuan Outdoor period 405 leh Indoor period 126 neih pui hman an ni a. Police Basic training a nih angin Outdoor lamah Drill chi hrang hrang zir thiamtir an ni a, Mizoram Police in weapon chi hrang hrang an neih - SLR, Insas, AK 47, Machine Gun, Carbine, Pistol, Mortar leh Bomb chi hrang hrang te zirtir an ni a. a tul huna weapon chi hrang hrangte hmang thei mai tura zirtir an ni. Silai hman dan an zir zawng zawng te chu pratical in firing neihtir vek an ni. Indoor class ah chuan subject hrang hrang 10, IPC, Cr. PC, Minor Act, First Aid, Hindi leh subject dang dangte zirtir an ni a.

Vawiin a Passing Out Parade ah hian Police Officers thahnem tak an tel a ni.