Vawiin tlai khan Principal Secretary (GAD, Planning) Pu C. Lalsawta office-ah Science & Technology Wing, Planning Department, Mizoram hnuaia Patent Information Center (PIC) dinna turin Principal Secretary Pu C.Lalsawta leh Science & Technology, Government of India Adviser Dr.G.J.Samathanam ten Memorandum of Understanding (MoU) an sign.
Patent Information Center hi Mizoram tan chuan thil thar a ni a. A bultumtu Ministry of Science & Technology, Govt. of India hian kum nga (5) chhung a rawn vil phawt ang a, Senior Research Fellow pakhat (1) a rawn dah bakah senso a rawn tum ang.
Science & Technology, Government of India Adviser Dr.G.J.Samathanam chuan PIC chungchang leh Mizoram tana a pawimawhna a sawi a. Mizorama kan puantah zia (design) te, hnam thil chi hrang hrangte hi a neitu nihna hauh (patent) a nih loh chuan phai lam leh ramdang mi ten min lo patent khalh ang a, a neitu dik tak zawk hian kan chan der thei a ni a ti a. Chuvang chuan dan (Patent Act) hnuaiah neitu nihna kan hauh (patent) vat a pawimawh a, PIC chuan chutiang kawngah chuan mipui te, school leh college zirlai leh zirtirtute zirtirin Awareness Campaign te, Workshop te a buatsaih thin dawn a ti bawk.
MoU sign zawh hnu hian Science & Technology Wing, Planning Department, Mizoram hmalakna te an thlir ho bawk a ni.
Science & Technology, Government of India Adviser Dr.G.J.Samathanam chuan PIC chungchang leh Mizoram tana a pawimawhna a sawi a. Mizorama kan puantah zia (design) te, hnam thil chi hrang hrangte hi a neitu nihna hauh (patent) a nih loh chuan phai lam leh ramdang mi ten min lo patent khalh ang a, a neitu dik tak zawk hian kan chan der thei a ni a ti a. Chuvang chuan dan (Patent Act) hnuaiah neitu nihna kan hauh (patent) vat a pawimawh a, PIC chuan chutiang kawngah chuan mipui te, school leh college zirlai leh zirtirtute zirtirin Awareness Campaign te, Workshop te a buatsaih thin dawn a ti bawk.
MoU sign zawh hnu hian Science & Technology Wing, Planning Department, Mizoram hmalakna te an thlir ho bawk a ni.
