Development for North Eastern Region (DONER) Minister B.K.Handique chuan tunhnai mai khan Chief Minister Pu Lal Thanhawla hnenah lehkha thawnin Mizoram Sorkar tan lakna leh thawh that avangin a Ministry chuan kum 2010 - 2011 chhungin NLCPR scheme hnuaiah sum hman tur cheng vaibelchhe 799.99 ruahman anih laia, a aia tam cheng vaibelchhe 805.77 a hmang chu NLCPR scheme hnuaia sum la hman tamna ber a ni tiin, Chief Minister hnenah lawmthu a rawn hrilh a. Hei hi Mizoram Sorkar hna thawh that vang liau liau a ni a ti.
Union Minister chuan kum 2010 - 2011 chhungin kum hmasa aia a let thuma tam, Mizoram tan cheng vaibelchhe 73.73 released anih thu te, project 18 tan cheng vaibelchhe 146.61 leh kum 2010 - 2011 chhunga hna pawimawh hmasa a dah project 9, cheng vaibelchhe 160.97 senna tur te Mizoram tan dah anih thu te a rawn hrilh bawk a ni.
