Vawiin khan Remna ni hman dan tur ngaihtuahin Kolasib DC Conference Hall ah Addl. DC Pu Zairemmawia hovin meeting neih a ni a. June ni 30 Remna Ni chu a kum 25 na a nih bawk avangin Vantlang inkhawm bakah Photo Exhibition neih tura rel a ni.

Remna Ni  inkhawm chu Venglaia Parish Hall ah chawhma dar 11- ah neih a ni ang a, hetah hian MKHC hruaituten thu an sawi bakah Congress leh MNF party aiawh ten thu an sawi ang a. DC in thu a sawi bawk ang. Zaipawl zai ngaihthlak a ni ang a, Mizo lam entir a ni bawk dawn a ni.

He hunah hian mimal a duh apiangte chu photo exhibition a tel tura sawm an ni a, thlalakte hi SLR, Compact leh Mobile a thlalakte a thehluh theih dawn a, June 29 zing dar 10 thlengin office hun chhungin soft copy in DIPRO office ah thehluh tur a ni a, mi pakhatin thlalak 5 (panga) zel a thehluh theih ang. Heng category pathumah te hian lawmman siam a ni dawn a ni.

Remna Ni pual hian Kolasib District Jail a awm te chu an chawhmeh Sa leina tur pek nise tiin Committee chuan a rel bawk a ni.

Attachment

  • Loading attachment...