Vawiin chawhnu khan Champhai khawpui chhungah Champhai District chhungah Pawn a dailen laka fihlimna hun hman a niin, District Swachh Bharat Committee buatsaihin zirlaite nen kawtthler thenfai hnatlang neih pahin a hohova kawng zawh a ni.
He hun hi Chanphai Dawrkaikawn-ah hun hman tan a niin, Sub-Hqrs. YMA Chamnphai President Pu C. Lalbiakzauva chuan a kaihruai a. Sub-Hqrs. MUP Champhai President Pu K. Vanlalzuata chuan India ram pumpui District 700 chuangah Champhai District chu Pawn a Daileng awmlohna District 82-na anih vangin he Pawna Dailen lak a Fihlim nihna (Freedom From Open Defecation) hun hman hi a inhmeh bik hle a ni a ti a. India sorkarin faina beihpui a thlakna kal zelah Champhai District-in he hmalakna tihlawhtlingtu alo nih tawhna anga theih tawp chhuah chhunzawm turin District mipuite chu a ngen.
Vawiin chawhnu khan Government Gandhi Memorial Higher Secondary School naupang 500 rual nen Dawrkaikawn atanga Circuit House thleng kawngpui kam thenfai hnatlang neih zui nghal a niin, Champhai Circuit House a huntawp kharna-ah Champhai WATSAN PHED Circle Superintending Engineer Pu Lalrammawia chuan faina leh thianghlimna hi ringtute nen kalkawp tlat anih thu leh hriselna thlentu anih bawk vangin Veng, khawtlang leh ram hrisel kan nih theih nan Faina hi keng nung zel turin mitinte a sawm a ni.
