Vawiin khan Law & Judicial Department chuan pawngsualtute hrem chungchangah thuchhuah a siam a. Pawngsualtute na taka hrem an nih theih nan Criminal Law (Amendment) Ordinance, 2018 chu April Ni 21, 2018 khan puan chhuah a ni. Hriattur pawimawh te chu:

1)    Pawngsualtu hremna nep ber kum 7 thleng lung in tan theihna chu kum 10-ah tihsan a ni.

2)    Naupang kum 16 hnuai lam pawngsualtu hremna hna hrehawm tak thawk chunga kum 10 chhung lung in tan chu hna hrehawm tak thawk chunga kum 20 thleng emaw thih thlenga lung in tang tura hrem theih a ni.

3)    Naupang kum 12 tling lo pawngsualtu chu thih thlenga lung in tang tura hrem theih a ni.

4)    Pawngsual case reng reng thla hnih (2) chhungin a chhui hna leh case trial zawh fel vek tur a ni.

5)    Pawngsualtuin ngenna (appeal) a siam reng reng thla ruk (6) chhungin chinfel vek tur a ni.

6)    Naupang kum 12/16 hnuai lam pawngsualtu (mimal emaw a huhova pawngsualtu) anticipatory bail dil theihna chu tihbo a ni.

7)    High Court emaw Session Court emawin regular bail dilna a ngaihtuah dawnin hearing neih hma ni 15-ah Public Prosecutor hnenah hriattirna (Notice) a pe tur a ni.