Vawiin khan DC Conference Hall Mamitah Pu Dharam Pal, IAS, Addl. Secretary, Chemical & Fertilizers hovin Aspirational District hnuaia hmalakna hrang hrang thlirho a ni.

Vawiin thutkhawmah hian Mamit District hnufualna Sector hrang hrang, health & Nutrition, Education, Basic Infrastructure, Agriculture & Allied Sector leh Banking & Financial Inclusion hnuaia Indicators hrang hrang kan District dinhmun thlirho niin harsatna hrang hrangte sawiho a ni a, a theih anga sutkian dan tur awm ang angte sawiho a ni bawk.

Kan District chhunga damdawi Ina nau nei an tlem chhan chu inkalpawhna kawnga harsatna a awm thin vang te, damdawi In thlen nana sum sen tam a ngaih vang te leh damdawi In-a nau neih aia mahni in lama nau neih hmanlai atanga kalpui thin District chhungah mi tam tak an la awm vangte bakah harsatna hrang hrang vang ni-a tarlan a ni.

School hrang hranga mipa leh hmeichhe inthiarna a hran ve ve awm lohna School a awm nual avangin Swachh Bharat Mission hnuaiah heng School inthiarna neilote hi saksak an nih theih dan tur sawiho a ni a. SBM Guidelines-in a phallo nachungin sak theih hram dan tur ngaihtuah nise Meeting hian a ti bawk.

P&E Department hmalakna hnuaiah Mamit District chhunga eng la luh lohna khaw 12 ah khaw 8 chu eng pek fel tawh niin khaw 4 chu kumin chhunga eng pek hman tum a nih thu Meeting-ah hian tarlan a ni.

PHE Department hnuaia khaw 90-ah khaw 60 te chu tui pek tawh niin khaw 30 dangte hi a rang thei ang bera pek thuai tum a ni a. Tuilakna tur remchan tawk loh avang leh National Rural Drinking Water Programme (NRDWP) Estimate Amount-in a huam theih loh vang niin tarlan a ni bawk.

Meeting-ah hian Pradhan Mantri Jandhan Yojana (PMJY) hnuaiah Target 105 atangin 289 tuam tawh a nih thu tarlan a ni a. Pradhan Mantri Jandhan Jeevan Jyoti Bima Yojana (PMJJBY) hnuaiah Target 515 atangin 202 tuam tawh niin Pradhan Mantri Suraksha Bima Yojana (PMSBY) hnuaiah Target 735 atangin 377 tuam tawh a nih thu tarlan a ni bawk.

Vawiin Meeting-ah hian Department Officials hrang hrangte an tel tha hle a ni.