Vawiin khan Traffic Superintendent chuan The Mizoram(Regulation and Control of Vehicles Parking) Rules, 2000 hnuaia dan siamthat, Official Gazette a March 13, 2018 a chhuah tawh, a chhuah ni atanga hman tan tawh chungchang chu mipui tam zawkin an hriat chian leh zual nan a hnuaia mi ang hian vantlang hriatturin tar chhuah.
Rules No. 8 (1) (i): Zing dar 6:00 atanga Tlai dar 5:00 inkar chhung hian Lirthei dah phallohna hmuna dah te chu man an nilh in Rs. 500/- chawi tir theih a ni.
Rules No. 8 (1) (ii): Zankhua emaw darkar 3 chin lirthei dah phallohna hmuna dah te chu man an nih in Rs. 1000/- chawi tir theih a ni.
Rules No. 8 (1) (iii) : Heng a chunga dan bawhhehia man tawh te hi an dan bawhchhiat ngai a man nawn leh an nih chuan a let zel a chawi tir theih a ni.
Rules No. 10 (1) chuan khing a chunga Dan bawhchhia ten an chawi tur ang an chawi duhlo anih chuan an lirihei chu Police Station ah emaw Section 117 of MV Act. 1938 in dahna tur hmun a tih ah hren sak tur a ni a, a dah sawnna senso zawng zawng chu lirthei neitu tum tur a ni. Zing dar 6:00 atanga Tlai dar 5:00 inkar a lirthei dah phallohna hmun a dah in a chawi tur ang a chawi duhloh avang leh lirthei dahsawn sak anih avangin Rs. 1500/ chawi belh tir theih a ni. Chutiang bawkin, Zankhua emaw darkar 3 chin lirthei dah phallohna hmun a dah in a chawi tur ang a chawi duhloh avang leh lirthei dah sawn sak anih avangin Rs. 2000/- chawi belh tir theih a ni.
A chunga Dan sawilan te hmang hian engtiklai pawhin lirthei dah phallohna hmun a dahtu te hi Traffic Police ten an man thei a, an hrem thei bawk a ni.
