Vawiin khan Kolasib Bawrhsap Dr.Arun T, IAS chuan thingdawl Nursing school a tlawh.

He hunah hian Bawrhsap chuan Thingdawl Nursing School Principal leh Staff te kawmin an harsatna tawh hrang hrangte chu a sawipui a, chung zingah chuan Staff indaih lohna , permanent tui connection awmlo, khelhmual mamawh thu te bakha Nursing School compound alo him zawk nana diversion road siam te an ni a. Bawrhsap chuan school Compound chu fang kualin an harsatna tawh te chu a hmunah a enpui a, harsatna te chu  a hraithiam pui thu sawiin a theihna zawnah tanpui a inhuam reng thu sawiin a tul angin Mizoram Sawrkar hnenah pawh hma a lak pui tur thu a sawi a ni.

Hemi bakah hian Bawrhsap chuan Nursing School zirlai te chu a kawm a, nurse an zirchhan te hrechiang tura chahin nurse hna chu hna pawimawh tak damlo te enkawl tu tak tak an nih thu sawiin mi tam takin nurse zir/nih an chak em em lai a he huna kalkhawm nurse zirlai te chu an nihhlawh thu a hrilh a, Pathian ina hna a pek, rawngbawlna hna  anih thu sawi bawkin rilru leh tih takzeta mahni zirlai leh an hna thawh chhoh tura inpe tura  fuihin hmangaigna nena damlo te enkawl turin a chah bawk a ni. Bawrhsap chuan training chhunga exposure neih ngah a pawimawh thu sawiin Damdawi in lian zawka case tam zawk a taka an hmachhawn theihnan hmalak pui dan tur a ngaihtuah tur thu a sawi bawk a ni.

Thingdawl Nursing school ah hian General Nurse & Mid wifery course a zir theih a, tun dinhmunah Principal nen staff 10 (Teaching and non Teaching) awm mekin zirlai 20, first batch an awm meka, Decmeber 18, 2018 atanga class tan nia thudawn niin, 2nd batch tur te tan July ni 6 ah written exam an neihtur thu an tarlang bawk.

Bawrhsap hi kolasib Sub hqrs YMA President Pu C.Liankunga'n a tawiawm a, Pu Liankunga pawh hian YMA ina kawng hrang hranga an tanpui theihna ah chuan tanpui a inhuam reng thu chu Nursing School Principal leh zirtirtu te hnenah a sawi ve bawk a ni.