Vawiin chawhnu khan  DC Conference Hall  Lunglei ah Additional DC Pu Benjamin Lalzama, kaihhruaina hnuaiah Lunglei a Independence Day 2018  hman dan tur rel a ni.

Lunglei a  Sawrkar Department, zirna in hotute, chanchinbu mite leh tlawmngai pawl hrang hrang aiawhte an tel. Meeting chuan Independence  Day lawmna hi Thuamluaia Mual-ah chawhma dar 10:00 ah hman ni se tiin a rel a, khuallian atan Sawrkar in Minister ruat tura beisei ani. He hunah hian kum dang ang bawkin parade contingent hrang hrang– armed, unarmed, school leh band party ten Ceremonial Parade neiin hnam puanzar chibai an buk ang. Lunglei SP kaihhruaina hnuaiah Parade endiktute ruat ni se tih Commitee chuan relin a  ti thate hnenah lawmman sem leh ni se, tih a ni. 

Tin, he ni pual hian Football leh Infiamna hrang hrang  buatsaih a nih dawn bakah Lunglei a Home hrang hrang leh Distrcit Jail-ah thilpek hlan a ni bawk ang. Chhun dar12 ah VIP's At Home  Gov't. College Multipurpose Hall ah neih ani ang. Pu Benjamin Lalzama chuan India ram tana ni pawimawh berte zinga mi Independence  ropui leh hlawhtling taka Lunglei District-a hman a ni theih nan kalkhawmte chu an chanpual theuh ngai pawimawh a thahnemngai taka thawk ho turin leh  Sawrkar Department hrang hrangte chu mahni mawhphurna hlenchhuak theuh tur in a chah ani.

 

Attachment

  • Loading attachment...