Vawiin chawhma dar 10 : 00 khan Mizo Upa Pawl Haulawng Unit Raising Day 2012 lawmna inkhawm Hausiampa Hall ah hman ani. Pu R.Rualchhina Vice President, MUP Haulawng in inkhawm kaihruaiin, Pu,P.C.Lalthanliana Minsiter i/c Social Welfare etc. chu khuallian ani.

Pu P.C. Lalthanliana chuan thusawiin vawiin International day of the Elder persons (Upa te ni) ngaihlu tu te zawng zawng chibai a buk a, kum tin 1st Oct. hi khawvel pumah International day of the Elder persons ni atan UN General Assembly Resolution December 1990 a neih chuan alo puan tawh atang hman thin a ni. He ni ah hian Upa te khawtlang rohlu an nihzia te, an zahawmna te, chawikana an hamthatna tur a nasa leh zuala tan la thar theuh turin a sawm a, Tar te hi ram changkang ah chuan enkawlna tha tak pek an ni a, India ramah chuan tar te enkawlna hi a mumal lovin a beitham hle a ni. Hei hi a chhan bulpui ber chu pawisa harsat vang ani a, heti chung pawh hian tar te hi ngaih thah an ni chuang hauh lova. India ram state leh UT te hian an phak tawkang theuh in tar retheite tan tar chawmna an pe theuh a ni. August ni 15.1995 India Independence kum 50 na champha ah khan hemi hunlai a Prime Minister chuan Programme thar a duah chhuah Natiaonal Social Assistance Prog. chu a rawn puang chhuak a. HE Prog. in a tum ber chu mirethei leh mi harsa te chhawmdawlna hi a ni. He Prog. hi Mizoram ah chuan Social Welfare Deptt. kaltlangin hmalak ani a, NSAP hnuai a scheme lian tham ber pakhat chu National Old Age Pension Scheme a ni. NOAPS hnuaah kum 60 chin chawmtu leh enkawltu tha neilo BPL member tan ani a, Central sawrkar in thlakhatah mi pakhat tan Rs. 75 zelin a tumsak a, Tar chawmna hi sawrkarin thlakhat a tan State Fun Rs.25 tum leh in thlakhat ah mi pakhat tan Rs. 100 alo ni ta a ni. Mizoram a tar pension dawng mek zing atang hian kum 80 chin chunglam BPL family mi 2854 te chuan kum 2010-2011 atang khan RS. 500/- leh state Fund Rs. 50 a vaiin Rs. 550 an dawng mek a, tin, kum 60-80 in kar mi 23505 tan Rs.200 leh State Fund Rs. 50 a vaiin Rs. 250 an dawng mek bawk a ni. Tun ah hian tar pension dawng zawng te hi mi 26359 an ni Upa te hamthatna atana duan The Maintanance and Welafre of Parents & Senior Citizen Act. 2007 India Sawrkarin state tin te hnen a hman tur a duan chhuah chu tunah hian Rules hranpa siama hman theih mai tura buatsaih mek a ni.He dan hian Senior citizen te an faten an enkawl duh loh, ensan leh ngaihthah vanga an hamthatna hrang hrang dan leh hrai hmanga humhalh leh chhawmdawlna dan te duan chhuah ani a ti. A sawizel na ah Mizoram sawrkar chuan tar chawmtu neilo baihvai te enkawlna Tar-In (Old Age Home) 1989 kum khan a din a, Tar belh tur neilo ten riah run leh in ah anlo hmanglo theilo a ni. Mi 10 awmtheihna tura siam ani a, tunah hian mi 9 enkawl mek a ni. Tar te hi chhawmdawlna kawng a sawrkar hmalakna hi Mizo nunphung leh duhdan kum khua a a nihsa a vangin tlawmngai pawl hrang hrang pawhin hetiang kawnga sawrkar hmalakna hi tun aia nasa zawka tawiawm sauh sauh turin a ngen a, Upa zawk te tanpui leh ngaihsak ngaite tan hian an damchhung hun chawhnu her lamtawh pawh hi hlim takin kan siam thei a ni. Tin kan zoram mawina hi belhchhah in a awm anga mual liam ami tur te khawvel chu pawhsei sak theih nihloh vek pawhin an damlai nite hlim leh thlamuang takin an vuiliam ve thei ngei ang a ti bawk. Pu Mathana chuan Heng te hi i hre reng ila Upa te hi hnam rohlu an ni, Upa te leh tar chaklo ngaihsak hi khawvelin hun a ti ta, Upa pakhat a thih hian Library pakhat a kangral ang a ni, kan tan an hun tha zawng zawng lo hmang tawh kum upa leh tar chaklo te tan hian bat kan van ngah em?, Upate i hlamchhiah chuan i ram tan i hlutna a kiam zel ang, Mifing leh changkang apiang in upa te an chawimawi in an zah thiam thin tih leh Upa te hnawksak leh ninawm ang a en lovin Rohlu anga en hi mitin ten kan tih tur a ni.

Upa leh Tar te zahawmna humhalh hi ram leh hnam tundinna leh nghehna leh zahawmna pawimawh ber a ni a, Aia upa te zahthiamin an thu te awihin zawm fola, pi pute ro thil hlu a ni. Aia upate zah thiam rawh tiin Pu Mathana chuan a hun a khar a ni.

MUP Haulawng Unit te tan hian Pu Mathana hian Dekchi, No, Thleng leh Ketli te a pe bawk a ni.