973/2022-2023
Aizawl, the 21st June 2022: Pi Lalhmingliani Hmar, E-in-C, Power & Electricity Department chuan tunhnaia mobile phone number pakhat atanga inbumna, mipui ti chiai zawnga sms thawnchhuah chungchangah a hnuaia tarlan ang hian thuchhuah a siam.

Mi tu tih hriat loh te'n Mobile Phone No.09339294957 atanga SMS thawn chhuakin Consumerte thla hmasa Electric bill a in update loh avanga hemi zan dar 9:30pm hnulama an current tih thim sak an nih tur thu thehdarh a awm a. Hei hi Power & Electricity Department, Govt. of Mizoram atanga thuchhuak a ni lova, inbum tumna nia a Ian avangin Phone number an tarlanah biak let tum lo tur leh lo bawhzui lo turin Consumer-te hriattir kan ni e.

Power & Electricity Department hian hetiang ang SMS hmang hian Consumer-te eng tih thim sak an nih tur thu leh a chin fel nana Phone call hmang emaw Email leh Web link a lut turin hriattirna a tichhuak ngai lo a. Chuvangin nidang zetah pawh hetiang ang message hi kan dawng a nih chuan chiai lo tur leh engmah bawhzui to tura ngen leh hriattir kan ni e.