1. Pesticide reng reng hi 'TUR' a ni tih hriat tur.

2. Pesticide hi tui nen a pawlh zat tura Agriculture mithiam ten an sawi ang chiah chiah in pawlh thin tur a ni. A pawlh zat tura sawi aia  tam pawlh loh tur a ni.

3. Pesticide kan khawih in kut kawr kan bun ngei ngei tur a ni.

4. Pesticide kan kah in kan hnar leh kan hmui te kan tuam tur a ni.

5. Pesticide kan kah in thli thawtna lam hnungchhawnin kan kap tur a ni.

6. A theih hram chuan mit a Pesticide lut tur ven nan Tarmit bun ni bawk se.

7. Pesticide bur ruak hi kan phum bo tur a ni. A bur ruak hi thil dang dah nan hman loh tur a ni.

8. Pesticide leh Hlo tur te hi Sprayer ah chawhpawlh loh tur a ni.

9. Pesticide kan kah hnu hian kan thlai te ei turin lak nghal tur a ni lo. Kar 2/3 tal nghah tur a ni.