Mizoramah hian tunhma atanga State PWD leh BRO ten an dawh bailey bridge hlui tawh tak engemawzat a awm a. A then phei chu himlo viaua hriat pawh an ni tawh a. Hengho hi permanent bridge a thlak mek leh thlak vek tura hmalak mek a ni. Lei thar hi kum 3/4 chhunga dawh zawh mai theih an nih loh avangin, India rama Bailey Bridge Manufacturing Company hlun leh lian ber, Garden Reach Shipbuilders & Engineers (GRSE) Engineer-te chu PWD chuan chah chhuakin, Engineer 2 chuan April 30, 2019 atangin endik hna an thawk tan a. Heng GRSE Engineer te hi a bialtu EE/SDO ten an lo tawiawm bakah, PWD Bridge Cell a Bridge Engineer  chuan a tanpui reng dawn a. Vairengte-Tuirial (NH 306A) atanga tanin, Bairabi bula Kawnpui lui bridge endik hnuah Kawrthah Division, Mamit Division lam endik lehin Lawngtlai, Lunglei leh Tlabung Division lam panin, Ratu tlangdung leh Khawzawl Division lam an endik zawh hnuah an hmuhdan leh tihchak dan ruahmanna E-in-C hnenah thehlutin, a tul anga hmalak zel dan tur Sawrkar ah thlen a ni ang.