465/2024-2025

Aizawl the 13th May, 2024 : Tunlaiin Aizawl District ah dan loa petrol leh diesel zuar an awm thin tih hriat a ni a. Hei hi Section 5 & 6 of the Mizoram Motor Spirit and High Speed Diesel (Prevention of Malpractices in Supply and Distribution) Order, 1992 kalh a ni.

Chuvangin Pi Nazuk Kumar, IAS, District Magistrate, Aizawl District chuan dan ang taka petrol leh diesel hralh a nihna turin Section 144, CrPC, 1973 in thuneihna a pek angin a hnuaia thupek hi a chhuah.

"Mi tumahin Aizawl District chhungah Petrol leh Diesel hi phalna nei lovin an zuar tur a ni lo."

He thupek zawm lova tilui tu chu Section 188 IPC hmanga hrem a ni ang. He thupek hian sut leh a nih loh chuan chhuah a nih atanga kar hnih (2) chhung a huam ang.

He khapna thupek hi vawiin Dt. 10.05.2024 hian District Magistrate Seal-a nemnghetin hming a ziah hnan.