No.1717/2021-2022
Aizawl the 6th August, 2021 : POL a Sawrkar leh mipuiten harsatna lian tak kan tawh loh nan petrol leh diesel mamawhtuten rualkhai zawka an chan theihnan The Mizoram Trade Articles (Licensing and Control) Order, 1987 para 24 & 25 in thuneihna a pek angin vawiin khan Food Civil Supplies and Consumer Affairs Director chuan POL khuahkhirhna thupek a tichhuak a.
Inter-State Border chungchangah Assam nen hartsatna leh buaina namen lo Mizoramin a tawk a. POL chawkluhna kawngah Mizoram chu harsatna lian tak hmachhawn thei reng dinhmuna a din avangin he order hi tihchhuah a ni. 26.07.2021-a office order No.1.12011/2(D)/2018/DTE(SPY)GEN/Loose a lo tihchhuah tawh chu he thupek hian a luahlan a ni.
Filling Station ten an pek chhuah tur aia tam pekchhuah khap a ni a. A hmuna kal te chauh a hnuaia tarlan ang hian pek chhuah tur a ni. Bur, gallon/barrel-a lak phal a ni lo.
TYPE OF VEHICLE | TO BE ISSUED M.S / DIESEL |
1. SCOOTY | 3 LTRS. |
2. OTHER TWO WHEELER VEHICLES | 5 LTRS. |
3. LMV (Car/SUV) | 10 LTRS. |
4. MMV including light goods-carrying vehicles such as Pick Up trucks | 20 LTRS. |
5. HMV (6-wheeler/8-wheeler/12-wheeler) | 50 LTRS. |
Buhfai/POL/LPG phur HMV te chu an Challan milin an kal lam leh haw lam daih pek tur a ni a. Petrol pump ten an stock position (DEAD STOCK TEL LOVIN) Joint Controller, Legal Metrology hnenah nitin zing dar 09:00 ah an pe thin ang a, Petrol stock 5000 litres leh HSD-ah stock 7000 litres a nihin FCS&CA hriatpuina leh phalna lovin pek chhuah tawh loh tur a ni ang a, a tul angin FCS&CA-in ruahmanna a siam thin ang.
POL depot-ah receipt & issue Register fel taka vawn tur a ni a. He Order hi Legal Metrology Inspector-ten thu leh awm hma chuan nitin duty in an enforce tur a ni. He Order hi harsatna awm thut thei reng laka inven na atana tih a ni a, a tul dan anga en nawn leh a ni ang. Thu leh awm hma chuan Petrol Pump hi zing dar 6 atanga tlai dar 6 thleng, Sunday tiam lovin nitin hawn tur a ni.
