Mizoram Sorkar hnuaia FCS&CA Department chuan POL (Motor Spirit/Petrol leh High Speed Diesel (HSD) pawlh dal (adulteration) veng turin theihtawp chhuahin, Central YMA,Local Council, Village Council leh Mizoram Consumers’ Union (MCU) te pawh POL pawlh dal leh tihchingpen veng tura theihtawp an chhuahna ah lawmthu a hrilh a ni.

FCS&CA Department chuan POL Pawlh dal (adulteration) chungchang zirchiang a, a vendan tur rawtna siam turin Study Group Conveners Members te :-Lalramchhana, Inspector, Legal Metrology, Convener, HF. Lalrinpuia, Secretary, Kumpuan Committee, CYMA, Member, S. Lianlula, Vice President, MCU, Member, J. Vanlalchhuanga, Asst. Director (M), Dte. of FCS&CA, Member a siam a, dt. 30.9.2019-ah Director, FCS&CA hovin Department officers, Legal Metrology Officers te, CYMA Kumpuan Committee leh MCU meeting neih a ni a (Study Group Report an thehlut) Study Group te pawhin an zirchianna leh rawtna te FCS&CA Department ah an thehlut tawh a.

Oil pawlhdal (adulteration) hian lirthei neitu te tan harsatna nasa tak a siam a, chubakah consumer te dikna/chanvo a palzut avangin FCS&CA Department chuan oil pawlhdal veng turin theihtawp a chhuah zel dawn a, Study Group te rawtna pawh ti hlawhtling turin chaktakin hma lak mek a ni.

District tinah District Level Task Force, Deputy Commissioner kaihhruaina hnuaiah din a ni a, he committee ah hian district huamchhunga Supply Department-te, Legal Metrology te, District MCU te leh YMA te an tel a. An District huamchhungah hna fhawkin Gas, POL etc. pawlh dal leh tih chingpen te an veng dawn a ni.

Mizoram chhungah oil pawlh dal (adulteration) ven leh tihtawp a nih theih nan, FCS&CA Department chuan NGO hrang hrang, Local Council/Village Council, lirthei neitu te leh mipui te thawhpuiah sawmin, an tawiawmna a ngen a ni.