4363/2025-2026

Lunglei, 2026 Ramtuk thla ni 9: Vawiin khan Lunglei District Superintendent of Police Pu J. Lalmuankima chuan hriattirna chhuahin, Phairuang to Thenhlum (0.00–48.77km upto Bolia) PMGSY–III kawng siam mek chungchanga notification lo tihchhuah tawh No. PCL-27A/2019/Vol-1/286 Dt. 6 Feb., 2026 chu kut hna thawktute tan remchan zawk nan a hnuaia mi ang hian lirthei tlan dan tur/tlan theih hun tur tihdanglam a nih thu a tar lang.

Phairuang aṭanga Thenhlum (0.00–48.77km) PMGSY–III kawng siam hna black-topping hna thawh mek avangin Phairuang aṭanga Thenhlum kawng hi February ni 9, 2026 aṭangin thu leh awm hma chu kar tin Thawhlehni aṭanga Ningani thleng zing dar 09:00AM – 12:00 Noon inkar leh tlai dar 1:00PM – 6:00PM inkarah te khar a ni ang a. Dar 12:00 Noon – 1:00PM hi kawng hawn a ni ang.

Hei hian dan leh thupek kengkawhtu — Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty, school-a thawkte leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga Emergency thil avanga kal tlang mamawhte chuan he'ng a hnuaia phone no. dahahte hian biak tur a ni ang.

1. Sub-Divisional Police Officer, Lunglei — 8259901971 

2. Sub-Divisional Police Officer, Tlabung — 9632054081 

3. Officer-In-Charge, Lunglei — 8974637760 

4. Officer-In-Charge, Bunghmun — 9366133662 

5. Officer-In-Charge, Lungsen — 9862814884