No.2722/2021-2022
Aizawl 26th October, 2021 : Vawiin khan Phaizau Gram Seva Kendra-ah Pradhan Mantri Vandhan Yojona (PMVDY) hnuaiah Vandhan Vikas Kendra (VDVK) Level Advocacy Programme, Entrepreneurship and Skill Development Programme Training neih a ni a. Pu Lalthangfala, District Cooperative Officer, Mamit-in he hun hi a hmanpui.

Pu Lalthangfala chuan Farming Society Member training chhimtute chu uluk taka training turin a chah a. Taima tak leh eizawnna tlaka hnathawk turin a chah bawk.

Training-ah hian Resource Person Pu Malsawmkima Mualchin, M.Sc, Horticulture Focus Mamit chuan Kuhva enkawl dan, natna laka a him theih dan tur bakah lei sawngbawl dan tur te kalkhawmte zirtirna hun a hmang a. Kuhva chingtute'n Kuhva chi tha, kung puitling leh upa atanga a chi chhuah ngei ching thin tura chahin Kuhva Chara phun sawn dawnah pawh a hnah chang panga tal a nei tur a ni a, Feet 3 a zauin a khur laih tur anih thu sawiin, feet 8 leh feet 9 inkar dan zelah Kuhva te hi phun thin tur a nih thu a sawi.

Phaizau Arecanut Farming Society-ah hian Member 35 awm mekin Kuhva enkawlna kawnga zawhna hrang hrang an neihte Resource Person hian a chhang nghal a ni.

He hun hi Pu Lalchhunga, Phaizau Arecanut Farming Society chuan kaihruaiin Covid Appropriate Behaviour zawm chungin Awareness programme hi hman a ni.