Mamit khawpui chawmtu Mamit Greater Water Supply Scheme hmanga tui lakna Phaizau Pump House panna kawng chu tun hnaia ruahsur leh leiminin a tihchhiat avangin a siamthat dan tur nimin tlai khan Mamit DC leh PHED hotuten a hmunah an enfiah.

Phaizau Pump House atanga Mamit a Tui pump chhohna Diesel khawl chu a chhiat avangin thli leh ruahsur vanga power supply a kaihlak changin Tui pump hna thawh theih a ni lo va. Diesel khawl hi phai lama siamthat ngai a ni a, a phurhchhohna tur kawngpui siamthat hna thawh vat anih theih nan Mamit DC Pu Vanlalngaihsaka leh PHE Department hotu ten a hmunah an enfiah a, Mamit DC chuan PWD, PHED leh DM&R tangkawpa kawngpui siamthat hna thawh anih theih nan a rang thei ang bera kawngpui siamthatna tur Estimate siam nghal turin PHED hotute chu a hrilh a ni.

Mamit DC hi PHED EE Er. Lalropuia Hmar, DIPRO JH Lalparmawii leh DM&R hotuten an tawiawm a ni.