Ni 4 chhung awh Awareness Campaign PHE Department-in a buatsaih chu vawiin khan kharna hun Vanapa Hall-ah neih a ni. He awareness campaign hi ni 25.2.2014 khan Pu Zodintluanga Minister PHE, etc,. chuan Synod Conference Centre-ah a hawng a ni.
Vawiin khan Village Water & Sanitation Committee Meet ni hnihna Vanapa Hall-ah hman a ni a. He hunah hian VWSC member hnen atangin an khuaa an tuilak dan leh tuihnar an humhalh dan te, khaw chhunga faina an vawn dante ngaihthlak a ni a, hetiang la ti ngai lo khuate pawhin midang anmahni khuaah tih tan ve nghal tumin intiamna hun an nei bawk.
Paper pali zirho a ni a, chungte chu :-
1. Dr. Pachuau Lalmalsawma, Nodal Officer (IDSP) - 'Water, Sanitation & Health' .
2. Pu. PC Biakmawia, Chief Chemist, SRI, PHED - 'Water Quality Monitoring & Surveillance'.
3. Er. C. Zirkhuma, State Coordinator, CCDU, PHED - 'Nirmal Bharat Abhiyan'.
4. Er. Helen Rodingliani, EE(M), PHED -'Solid, Liquid Waste Management'
Awareness Campaign ni 4 chhung neih a nih chhung hian programme pawimawh tak tak leh intihsiakna hrang hrang hman a ni a. Water ART 2014: on-the-spot painting competition buatsaih niin Village Water & Sanitation Committee Meet 2014, Vanapa Hall-ah hman a ni bawk.
He hun puala intihsiakna hrang hrang an buatsaihah Essay inziahsiak leh SMS a auhla inphuahsiak chu a Campaign hawnna hunah lawmman sem a ni a, hemi ni vek hianGovt.AizawlWestCollegeleh Govt. Hrangbana College-te'n inhnialfiamna(Debate) hun an hmang bawk. The WATER Challange 2014, Inter College Quiz Competition buatsaih a ni bawk a, zanin dar 8:00 hian LPS 1-ah Live-in final chhuah a ni ang a, WaterART 2014 lawmman semna hun hman a ni bawk ang.
