Communication & Capacity Development (CCDU), PHE Department chuan 'Application of GPS in Water Resources Management for PHED Officials' tih thupui hmangin I&PR Auditorium-ah training a buatsaih a, he hun hi Mizoram chhunga Division leh Sub-Division SDO leh JE-te tana siam a nih angin kal pawh an thahnem hle a ni. He training in a tum ber chu Global Positioning System (GPS) hman dan tur inzirtirna a ni deuh ber a, hemi hmang hian Mizoram chhunga tuihna awm zawng zawng; tuikhur, hand pump awmna te, public point awmna te leh tuihna siamtu zawng zawngte kim takin a hriat theih dawn a, hemi hmang hian PHE Department chuan mipuite hnenah a remchan dan ang zelin awlsam takin tui a semdarh thei tawh dawn a, hei mai bakah hian tuihna kang mek leh ram a ro telh telh laia mihring lo pung zel avanga tui mamawhna sang tial tial si chu lo invenlawkna atana pui thei tu tur thil tangkai takah hman a ni thei bawk dawn a ni.

Training hawnna inkhawmah khuallian Er. R. Lalfanliana Engineer-in-Chief chuan khawvel changkanna mil zela hna an thawk thei tur chu lawmawm a tih thu a sawi a, hei bakah hian kalkhawmte chu mipui rawngbawltu an nih anga tha tak leh rinawm taka thawk turin a chah bawk a ni. Training hi CCDU Director Er. Lalrothanga SE, PHED leh CCDU Consultant R. Lalbiaknungi-te'n an paper buatsaihte hmangin kalkhawmte chu GPS hman dan leh data lakkhawm dan chipchiar takin an zirtir a ni.

Training a kal SDO leh JE te hnenah GPS device pek an ni.