605/2024-2025

Dated Serchhip, the 30^th May, 2024: Serchhip District-ah Cyclone Remal avanga thlipui leh ruahpuiin a tihchhiat thawmthat hna thawh mek a ni a. PHE Department pawhin chak taka hma la in tui semdarhna pipeline chhia te leh khawl chhia te thlak leh siam that hna chak takin an thawk a. Er. Isaac Lalchhuanmawia, EE, PHE chuan Serchhip khawpui chhungah mipui ten khaihlak lova tui an dawn theih nan ruahmanna siam a ni, a ti.

Serchhip khawpui chawmtu khawlpui chhia siam mek a ni a. Tekin a den chhiat tak 250kva transformer thlak lailawk na turin 100kva transformer lak luh a ni a. Tun dinhmunah he khawl hmang hian Serchhhip khawpui chhung veng tinah tui sem leh theih a ni tawh tih PHE Department chuan an sawi a. Amaherawhchu, kalphung pangngai pha leh tur chuan kar hnih vel nghah a la ngaih thu an tarlang a ni.

Tui renchem kawngah tan la tur leh ruahtui khawl ‘rain water harvesting’ chu uar lehzual turin chhungtin te an ngen a. Khuarel chhiatna lo thleng thin te hi sawi lawk theih a nih loh avangin heng hun a lo thlen thulhah mipui ten harsatna kan pumpelh theih nan mahni in theuhah a remchan dan anga ruahtui khawlna siam turin Er. Isaac Lalchhuanmawia, EE, PHE chuan chhungtinte a ngen a ni.