PHE Department chuan Engineer-in-Chief Office Building thar sak tur chungchangah a hnuai ami ang hian thuchhuah an siam :

Engineer-in-Chief, Public Health Engineering Department Office Building sakna tur hmun hi Site Selection Committee in January ni 30, 2015 a Chief Secretary hova an thlan a ni a, New Secretariat Complex Plot No. B-17 leh B-19 hi thlan niin Sawrkar hnathawkte chenna Quarters (Type-IV) ding sa hi thiah tel loh tur a tih anih angin tun thlengin thiah tumna a awmlo a ni.

MPWD pawhin Type-IV Quarters ding sa thiat tel lovin cheng vaibelchhe 9.61 man Detailed Project Report (DPR) an siam a, New Secretariat Welfare Committee in June ni 1 2017 khan E-in-C Office building sak tur chu Type-IV Quarters nen a inhnaihchilh lutuk tiin building sak tumna chu sut leh turin sawrkarah ngenna an siam a, he ngenna bawhzui hian July ni 14, 2017 ah Chief Secretary hovin MPWD, PHED, GAD leh New Secretariat Welfare Committee aiawhte an inkawmho a, rei tawk an sawiho hnu in MPWD chu Building Plan an siam te uluk taka lo ennawn a siamthat ngai laite siamtha tur leh Office Building sak tur leh Type-IV Quarters lo ding sa inkarah feet 10 tal zuah ngei ngei turin an ti a ni.

MPWD in ruahmanna thar an siam chu ngaihtuahin August ni 31, 2017 khan Chief Secretary hovin MPWD, PHED, GAD leh New Secretariat Welfare Committee aiawhte an inhmukhawm leh a, sawihona uluk taka neih anih hnu ah MPWD ruahmanna siam thar chu an pawm tlang a, a rang thei ang bera Office Building sak tan hna thawk turin thu an ti tlu ta a ni.

He ruahmanna tharah hian E-in-C Office Building sak tur leh Type-IV Quarters ding sa inkarah hian hmar lamah feet 13 a zau, thlang lamah feet 11.5 a zau zuah awl ani nghe nghe a ni. He Type-IV Quarters ah hian chhungkaw 6 an cheng mek a, Quarters Building hi thiah tumna a tir atangin a awmlo hrim hrim a ni..