No.5454/2020-2021

Kolasib 25th September 2020: Vawiin chawhnu khan Greater Kolasib Water Supply Pump House, Tuichhuahen panna kawng, 1.1 Km a thui chu Er. Lalmuanzova, Engineer-in-Chief, Public Health Engineering Department chuan a hawng a, PHED a Chief Engineer, S.E, Sr. E.E leh thawktu dangten he hunah hian an telpui a ni.

Er. Lalmuanzova, Engineer-in Chief chuan department chhung a thawktute inkarah inunauna tha a awm chuan thawhhona tha a awm thin thu sawiin chumi chuan rah duhawm tak a thlen thin thu a sawi a, PHED, Kolasib WATSAN Division hnuaia thawktute thawhhona a that avangin Greater Kolasib Water Supply Pump House, Tuichhuahen panna kawng that tak a awm phah a ni, a ti.

Greater Kolasib WSS hi ni 20.3.1999 atanga hman tan a ni a, cheng Nuai 702 sengin kum 2018-19 khan, Pumping Main Pipe line tluan leh Control panel thlak a ni a, Electric khawl thar leh Pump thar bun a ni bawk a ni a, hetiang a hmalak a nih hnu hian Kolasib District Headquarter ah chuan tui sem kawngah harsatna a awm tawh lo tih thawktute hian an sawi a ni. Greater Kolasib Water Supply Pump House panna kawng chu ruahtui tlak laiin lirthei tan harsatna a awm thin avangin PHE Department chuan June ni 8, 2020 atang khan kawng siamthat hna hi an thawk tan ta a ni. Cheng Nuai 32.21 sengin kawng hi siam a ni a, Kawng sei zawng hi 1.1 Km niin kawng chhuat zau zawng hi 9 feet a ni. Kawng sei zawng hmun thum a thena hmun hnih hi Plain Cement Concrete a siam a ni a, a bak zawng hi Reinforced Cement Concrete a siam a ni.