No.5453/2020-2021
Vawiin tlai dar 4 khan Home Department Secretary Pi Lalbiaksangi kaihhruaiin Association thenkhat ten NH-306 danchah an tumna chungchang leh a kaihhnawih sawihona Home Secretary Office, MINECO-ah an nei.
Ni 12.09.2020 zana Lailapur-a Mizoram Oil Tanker tihchhiat leh driver kutthlak chungchangah Mizoram Oil Tanker Driver's Association (MOTDA) leh Silchar Truck Driver's Association (STDA) te chuan vawiin ni 25.09.2020 ah inbiakna an nei a, he hunah hian MOTDA te thilphut Oil Tanker chhia siamna chungchangah inremna an neih bakah hliam tuar te enkawlna senso atan Rs.3000/- STDA ten tumsak an inhuam avangin inremna neih a ni a. Chuvangin, ni 29.09.2020 atanga ni 7 chhung awh Mizoram lo lut leh chhuak tur mamawh phur truck danchah tumna chu thulh a ni.
Hetia inremna a lo awm takah chuan Truck, Tanker, Driver leh Gas phur ten ni 18.09.2020 a sawrkara an thlen, Lailapur atanga Vairengte inkar Mizoram Police venhimna an phut anga kalpui mek pawh tih tawp nghal a ni.
