CCDU, PHE Department, Mizoram leh Department of Sanitary Engineering, AIIHPH, Kolkata tangkawp chuan ni 12.03.2012 - 13.03.2012 hian Aijal Club-ah Mizorama tui intur thianghlim zawk kan neih theih dan tur, hmalak dan leh enthlithlai dan tur Workshop a buatsaih dawn a, Kolkata lam atangin mi thiamten he hun hi an rawn hmang dawn a ni.

He hunah hian Engineering Officer hrang hrang te, Public Health Chemist te leh Bacteriologists te an tel vek ang. Workshop thupui atan ‘Workshop on water quality monitoring and Surveilance” tih a ni ang a, programme hi zing dar 9 ah tan a ni ang, inkhawm hi Pi Dr. Dilraj Kaur, Special Secretary, PHE Department Mizoram chuan a kaihhruai ang a, Pu S. Hiato Minister, PHE chu khuallian a ni ang. Workshop hi Ministry of Drinking Water & Sanitation te sponsor a ni.