No.435/2021-2022

Kolasib dated 7th May 2021: Vawiin chhun khan DC, Kolasib pisaah Public Health Engineering Department, Kolasib Watson Division hotute leh One Stop Centre, Kolasib aiawhten hrileng do nan a tul apianga hman turin District Level Task Force on Covid-19 hnenah sumfai leh Quarantine Centre-a hman tur bungrua engemaw zat an hlan a. Dr. H.Lalthlangliana, Deputy Commissioner leh Chairman ni bawk chuan Kolasib district DLTF aiawhin a lo dawng a ni.

Hrileng thawhhnihna hmachhawn mek ah hrikai khunghran tur an awm chhoh zel thu leh hnuchhui hna pawh a hautak hle thu Dr.H.Lalthlangliana chuan a sawi a. Hetiang harsatna hriatpui a Sawrkar puih duhna rilru lian tak pu mi sawrkar department hrang hranga thawktute an awm thin chu lawmawm a tih thu sawiin midangte tan a malsawnna ni zel turin leh mite entawn tlak a thawk chhunzawm zel turin thil pek petute chu a chah nghal bawk a ni. DC chuan Kolasib Venglai VC-te hnen atangin hrileng dona atan May ni 3, 2021 khan Cheng 10,000 DLTF chuan an dawn thu a tarlang a, mi inphal leh NGO inpe tak takte chungah lawmthu a sawi bawk a ni.

PHE, Kolasib Watson Division atangin Pu H.Lallianmawia, EE chuan cheng 61,140 a hlan a, hei hi Kolasib Watson Division a thawktu mi 53 atanga thawh khawm a nih thu a tarlang bawk a ni. Kolasib Watson Division atang hian Pu Lalawmpuia Sawthly, SDO leh Pu Lalhruaitluanga SDO te an tel bawk a ni.

Hemi rual hian One Stop Centre Kolasib chuan Kolasib district chhung a Quarantine Centre hrang hranga hmeichhe awm te mamawh ngaihtuah chungin Sahbawn 200, Ha nawhna 200 leh Sanitary Pad 200 chu DC kaltlang hian an hlan ve nghal bawk a ni.

PHE, Kolasib Watson Division hian Phaisena Screening Point-a duty-te hman turin tui pawh luhna an siam sak a, Bairabi Screening point-a thawktute tan pawh Screening point a tui mamawh ang hman tur a awm theih nan hma an la leh mek bawk a ni.

Attachment

  • Loading attachment...