Vawiin khan P&E Minister Pu Lal Thanzara leh PHE Minister Pu Zodintluanga hovin P&E leh PHE Department hotute chuan Secretariat Conference Hall-ah Mizoram tui leh kawlphetha mamawh chungchang sawihona hun an hmang.

Joint meeting hi Minister Pu Zodintluanga’n kaihruaiin, department pahnihte chu inkawp tlat, mipui rawngbawltu ve ve an nih angin, an hna kalphungte chiang zawka inhriatpui tawn a, harsatna awmtheite sawihova sut kian dan rel ho chu meeting hian a tum a ni, a ti.

Vawiin meeting-ah hian PHE Department chuan Aizawl khawpui chawm tura tui mamawh zat leh, heng tui sem tura power an mamawh zat te an tarlang a. P&E Department chuan an power pek chhuah theih zat te, peak hours (tlai leh zan tir) laia transformer overload vanga harsatna tawh thin thute leh, P&E mamawh kawlphetha pe tura power line hman tur chungchangte an sawi a ni a.