Vawiin khan UD&PA, PHE, etc. Minister Pu Zodintluanga hovin Secretariat Conference Hall-ah PHE leh SIPMIU Joint Meeting neih a ni a. He meeting-ah hian Aizawl khawpui chhunga tui sem dan tur ruahmannate sawiho a ni.

Minister chuan thuhma sawiin, chak zawka hmalak a nih theih nan thawhhona tha neih a pawimawhzia a tarlang a. Mipui thlan tlin te chu reilote chhung awm a kal leh mai tur an nih laiin Sorkar hnathawkte chu retire thlenga awm tur an nih thu sawiin, ram hmasawnna chu an kutah thui tak a innghat a ni a ti a. Hmasawnna atan rawtna tha nei chuan thawh zel turin Minister chuan a fuih bawk.

Vawiin meeting-ah hian Aizawl khawpui chhunga mipui tam zawk thleng thei tur a tui sem dan tur leh, thal ruahtui van hmaa a rang thei ang bera hmalak dan tur te sawiho a ni.