2673/2026-2027

Aizawl, the 14th October, 2026: Vawiin khan PHE Minister Prof. Lalnilawma chuan 37 MLD Water Treatment Plant (Phase-III) a tlawh a, Pi Zodingpuii, Secretary, PHED, Pu Ramchuana, Secretary, Finance Dept. leh Pu Sushil Singh, Special Secretary, DM&R ten Minister hi an tawiawm a ni.

He hunah hian PHE Minister Prof. Lalnilawma chuan thu sawiin, fur a lo thlenin, lui tui te chu a nut thin avangin PHE Dept. chuan harsatna an tawk thin tih a sawi a. Tlawng-a intake leading channel gate hi chirhin a hnawh avangin tun dinhmunah tlawng tui hi pump theih a ni lo a, Setlak lui atangin Gravity hmangin pump a ni thin a ni. Minister chuan Setlak lui pawh hi chirh leh hnâwlin a hnawh ve reng a, chumi thian fai pah reng chung chuan tui hi pump thin a ni, a ti.

PHED Minister chuan Finance leh DM&R hotuten an harsatna tawh te an hmuhpui avangin lawmthu a sawi a, tui chu pangngai taka pump a nih leh theih nan tanrual a pawimawh tih a sawi bawk. Prof. Lalnilawma chuan mipuiten tui hman tur an neih theih nan PHE department te chuan theih tawp an chhuah zel a ni, a ti a, harsatna hrang hrang avanga hna a khaihlak thin avangin mipuite hriatthiamna a ngen nghal a ni.

37MLD Water Treatment Plant (Phase-III) hi PHE Department hnenah UD&PA atangin August ni 29, 2025-ah hlan chhawn a ni a, PHE Department-in a lak chhawn lai hian Zohnuai-Vaivakawn lei tlahniam avangin Pumping-main hi a chhia a, tui pump theih a ni lo.

September ni 2, 2025 atang khan Aizawl Water Transmission Division North-in a enkawl tan a, September ni 4, 2025 atang Zohnuai-Vaivakawn lei tla hniam avanga Pumping-main chhia siam hna hi tan nghal a ni. November ni 7, 2025 atangin tui pump hna hi chhunzawm leh theih a ni a, tun thlengin tui 3664.791 million litres pump a ni tawh a ni.

37 MLD WTP Intake jackwell hi chirh leh hnâwlin a tihbuai nasat thin avangin November 2025 atanga tun thleng hian tui pump hi darkar 739 leh minute 47 a ti khaihlak tawh a ni.

Ruah sur nasa leh tui lian in chirh leh hnawl tam tak a hnutchhiah avangin Intake a Jackwell leading channel Gate hi July ni 8, 2026 khan khar a ni a, a then fai hna hi July ni 20, 2026 atanga thawh niin, July ni 29, 2026 atangin Jackwell-ah tui hi lak luh leh a ni.

Ruah sur nasa leh tui lian avang bawkin chirh leh hnâwl thahnem tak a hnutchhiah leh a, August ni 28, 2026 ah Intake a Jackwell leading channel gate hi khar leh a ni a. Gate hi tun thlengin hawn a la ni lo a ni. He 37MLD water treatment plant enkawl tur hian mi 70 tal mamawh a ni a, tunah hian mi 32 an awm mek a ni.

Vawiin 37 MLD Water Treatment Plant (Phase-III)-ah hian PHE Minister Prof. Lalnilawma, Pi Zodingpuii, Secretary, PHED, Pu Ramchuana, Secretary, Finance Dept., Pu Sushil Singh, Special Secretary, DM&R te bakah hian Er. Zodinthari, E-in-C, PHED, Er. Lalrinzuala, CE, PHED, Er. H. Lalsiamliana, SE, PHED, Er. Helen Rodingliani, SE, PHED, Er. Lalzuimawii, Sr. EE, PHED, Er. Samuel L.Ralte, Se. EE, PHED, Er. Lalremruata Sailo, SDO, PHED, Er. Zoremsanga, SDO (TC) te an tel a ni.