2674/2026-2027

Aizawl, the 14th October, 2026: Vawiin khan Zohnuai-Ropaiabawk kawng, Vaivakawna tlahniam chu PHE Minister Prof. Lalnilawma chuan a endik a, DM&R Special Secy. Pu Sushil Singh, PHED Secy. Pi Zodingpuii leh DM&R Director Pu Lalnundika ten Minister hi an tawiawm a ni.

He hunah hian DM&R Special Secy. Pu Sushil Singh chuan tun dinhmuna kawng chhia thawm thatna tur ‘short term measure’ ngaihtuah a tul tih a sawi a, lei hi a min leh chuan tui pek chhuah a buai thei tih a sawi. DM&R Special Secy chuan PWD ten hma an la mek tih sawiin, a tul chuan DM&R atang pawha tan an lak tur thu a sawi bawk.

He kawng hi PWD Aizawl Road North Sub-Division-III hnuaia awm a ni a, kumin September atang khan Public Works Department (PWD) chuan kawng siamthat hna hi an thawk tan a ni. Tun chinah hian tui haw dangtu speedbreaker siam a ni a, tui luan kawr “drain” te chu tihfai niin tui put dan nan cement concrete phah a ni a, luikawrah pipe vuahin culvert-ah tui an paih thla bawk a ni. Geology & Mining te nen tangkawpin lei a chet leh chet loh fimkhur takin thlir reng a ni a, tui lut zel tur control a nih hunah permanent restoration (kawng hnawh, lungrem) tih chhunzawm a ni ang a, hemi atan estimate siam tawh niin, sanction nghah mek a ni.