4271/2024-2025

Dated Aizawl, the 17 February 2025 : Vawiin khan PHE Department changtu, Prof. Lalnilawma chuan 'Mizoram Lei Chhung Tui Chanchin' tih lehkhabu Dr F. Lalbiakmawia ziah chu PHE Department E-in-C, Conference Hall-ah a tlang zarh.

Tlangzarh inkhawmah hian PHE Minister Professor Lalnilawma chuan thusawiin chutiang lehkhabu Mizo tawng ngeia ziak a lo awm ta chu hmasawnna mel lung pawimawh tak a nih thu leh lawmawm a tih thu a sawi a. Zirlai te, research ti mek te leh lei chhung tui verh chhuak duh tur te mai bakah mizo mipui nawlpui tan lehkhabu tangkai tak a nih tur thu a tarlang a. Department-a thawktute pawhin tangkai taka an hman ngei a beisei thu a sawi bawk a ni.

He hun hi Dr Lalrokima Chenkual, Deputy Director, DM&R Department in a kaihruai a. PHE Department Engineer-in-Chief, Er. H. Duhkima chuan lehkhabu a hmuhdan tlangpui a sawi a. Z.D. Lalțanpuia, Senior Scientist, MIRSAC chuẩn lehkhabu preview-na hun a hmang nghal bawk a ni.