Pu S.Hiato, PHE Minister chuan nizan khan Tourist Lodge, Chaltlang-ah Mara Autonomous District Council hotu tharte pualin zanriah a buatsaih a, Chief Minister Pu Lal Thanhawla leh Union Minister of State for Home Affairs Pu Jitendra Singh ten lawmpuina hun hi an hmanpui.

Chief Minister chuan Minister Pu S.Hiatoa’n MADC member thlan tharte puala lawmpuina hun a siam chu lawmawm a tih thu a sawi a. MADC inthlana chakna an chang chu an tanrual vang a ni a ti a, kan lawm tlang tur a ni a ti. MADC hotu tharte chu sorkar nghet tak siam tura chahin, defection a awm kan phal ngai dawnlo a ni a ti a. Zoram leilung fate vek kan ni a, kan chanvo leh diknate, mawhphurhna kan neihte a inang vek a ni a ti. Kan mamawh ber chu rilru thar put (moral reformation) a ni a ti.

Chief Minister hian MADC hotu tharte hi lawmpuina thil hlan a pe vek bawk a ni.

Union Minister of State for Home Pu Jitendra Singh hi rokhawlhna avanga Mizoram chhim lam kal thulh chu remchangah he hunah hian sawm ve a ni a. Autonomous District Council te leh Paramilitary Force zawng zawngte hi a enkawlna hnuaia awm an ni