Nimin khan PHE Minister leh Thorang Bialtu MLA ni bawk Pu Zodintluanga chuan Putlungasih khuaa kangmei tuar chhungkaw 12-te a tlawh a, thinlung taka a tuarpui thu sawiin tuna an hman atan bucket, dekchi set leh no a pe theuh bawk a ni.

Minister Pu Zodintluanga chuan kangmei tuarte chhawmdawlna turin India ramah dan leh dun tha tak a awm a, Pultungasih khuaa kangmei tuarte chhawmdawlna tur ngaihtuahin Disaster Management & Rehabilitation chuan chak takin hma la mek a, chhungkaw tin ten Rs.15,000/- leh bungbel lei nan Rs.5000/- an dawng dawn a ni, a ti. MP inthlan result puan zawhah Community Hall thar leh Supply Godown thar sak a nih tur thu a sawi bawk.

Putlungasih khuaa kangmei tuarte chu : 1).H.Lalhmingthanga, 2).Lawmsanga, 3).Lalfakzuala, 4).C.Lalkhuma, 5).Ramfanga, 6).Lalfakkima, 7).Vanlalnghaka, 8).PC Ha, 9).Sonod, 10).Zonunpara, 11).Lalduhawma leh 12).Laldinthara te an ni.