1927/2022-2023
Aizawl, the 15th September 2022: Tukin zingkar khan Swachhata Hi Seva (Faina Beihpui) 2022, Mizoram State hawnna programme Zodin Square, Aizawlah neih a ni a. He Faina Hnatlang hi Er Lalmuanzova, Secretary, PHE chuan Khuallian niin a hawnga. SHS 2022 hi October ni 2 thlenga hman tur a ni.

Tukina SHS 2022 hawnnaah hian Aizawl hmuna awm PHE Departmnent mi leh sa te leh sawmbikte'n kawngzawn (rally) neiin hun an hmang a ni.

SHS 2022 hi District hrang hrangah DC/District thu neitute hoa hman a ni bawk a. He Faina beihpui thlak hun chhung hian District/Sub Div/Block ah te Tui leh Faina kawnga inzirtirna leh hmalakna hrang hrang neihtum a ni. A theih chin chinah a hnuaia tihtur tarlan te hi Mizoram Khaw hrang hrangah tihhlawhtin tum a ni.

1. Khaw chhung hmuh theiha fai tak a siam.

2. Khaw chhunga bawlhhlawh tawphnawk awmna thenfai.

3. Bawlhhlawh tawih thei leh thei lo a chhuahaa(source) atanga thliar hrang tura in zirtir.

4. Bawlhhlawh thliar hran lohte dahkhawmna tur hmun sak(15 FC, MGNREGNA etc).

5. Bawlhhlawh paih motor, tawlailir leh remchang dang hi GeM hmanga lei theih tura hmalak.

6. Bawlhhlawh tawihtheilo heng plastic ang chi hi In tin atanga khawkhawm nise.

7. Kan tui tlan hnar leh vel te bawlhhlawh laka fihlim tura in zirtir leh a bul velah thing phun ni se.

8. Gram sabha chuan vawikhat hman chi (Single use plastic)plastic in harsatna min thlen theih dan leh hmang tawh lo tura in tiam kamna nei turin mipui zirtirna tur siam se.

9. ODF plus nih theihna tur atan hmalak dan tur VC te sawipui ni se.

10. In zirtirna thuziah (slogan) leh banga thuziah (wall writing) neih ni se.