1926/2022-2023
Dated Serchhip, the 15th September, 2022: Tukin zingkar khan Serchhip DC Conference Hall ah Pi Nazuk Kumar, IAS, Bawrhsap chuan Faina Beihpui Thlak (Swachhata Hi Seva), 2022 hawnna a nei.

Pi Nazuk Kumar chuan, Mizoram chu India rama state fai ber te zinga mi kan niin ka hria a. Kan khawpui Aizawl pawh India rama tlangram khawpui zinga fai ber pakhat niin ka hria. Amaherawh chu faina leh thianghlimna kawngah hian hmasawnna tur tam tak kan la nei thung a, chung zinga pawimawh tak mai chu mipui nawlpui nunphunga faina nunpui ngheh tlat mai hi a ni. A hmun taka bawlhhlawh paih te, fel taka bawlhhlawh thliar hran te, hman khat daih plastic khapna tha taka zawm te, kan lui leh tuihnar tihthianghlim te, kan bawlhhlawhin kan ram leilung a tihchhiat theihna laka inveng renga bawlhhlawh tihral te nitin nuna nghet taka zawm kan tum a ngai a ni, a ti a. Serchhip district chhunga faina lama hmalakna leh bawlhhlawh sawngbawlna hmun buatsaih dan tlangpui a tarlang bawk. He huna tel College zirlai naupangte chu faina lama mite entawn tlaka nunga, mite zirtirtu nih tum tlat tura chahin, ka faina hian kan hmalam hun a hril thui hle a ni, a ti.

He hun hi Pu Isaac Lalchhuanmawia, EE, PHE in a kaihhruaia, India ram chu hun rei tak faina leh thianghlimna lama ram hnufum tak a nih thin thu leh he hnufualna atanga hma kan sawn theih nana Swachh Bharat Missions hmalakna tlangpui sawifiahna a nei a. Serchhip district chhunga Swachh Bharat Grameen leh Urban hmalakna tlangpuite a tarlang bawk a ni.

Swachhata Hi Seva hi vawiin September ni 15 atanga October ni 2 thlenga kalpui tur a ni a. Kumin thupui hi Visual Cleanliness in Villages (Hmuh theih khawpa Khawtlang Tihfai) tih a ni. He beihpui thlak chhung hian khaw chhung leh a chhehvel tihfai te, bawlhhlawh thliar fel te, Lui leh luihnar tihfaite, hman khat daih plastic in ram leilung a tihchhiat theihna inzirtirna leh faina lama inzirtirna hrang hrangte uar taka kalpui tur a ni.

A hawnna inkhawm tawi hi Pi Lalthanghliri, DUDO, Serchhip chuan lawmthu sawiin a khar a ni.