1925/2022-2023
14.9.2022: Chief Minister Pu Zoramthanga chuan vawiin tlai khan New Delhi ah Prime Minister Pu Narendra Modi chu a chenna in ah hmu in Mizoram mamawh hrang hrang a thlen.

Chief Minister Pu Zoramthanga chuan Myanmar a remna siam turin India in hma a lak a ngaih thu a thlen a. Prime Minister pawhin ngaipawimawhin, remna siam chu mihringte tih tur pangngai a nih thu leh, theihtawp chhuah a nih tur thu in a chhang a.

Heng bakah hian Chief Minister chuan Assam Rifles sawn chhuah vat a tul thu te, MNF Returnee-te tana insakna tur puihna hma lo chhawp tawhte tihhlawhtlin a nih nana tanpui mamawhna te a sawipui a. Mipuiin HUDCO atanga loan an lo lak tawh cheng vaibelchhe 18 vel an laka rulh loh la awm rulh sak tura ngenna te, Chief Secretary atana Mizo tawng thiam ngei pek a ngaih thu leh tuldang pawimawh te Prime Minister hnenah hian thlen in sawipui a ni.

Chief Minister hian nimin (13.9.2022) tlai khan Mizoram tana pawimawh hrang hrang sawrkar laipui bawhzui turin New Delhi a thleng a ni.