1924/2022-2023
Champhai, the 14th September, 2022: Environment, Forest & Climate Change Minister Pu T.J. Lalnuntluanga chuan vawiin chawhnu khan Champhai Bethel Veng EF&CC Complex-a Conservator of Forest (CF), Eastern Circle Office a tlawh a, vawiin atanga Office kal tan chu hmuhpuiin hmachhawpte a enfiah a ni.

Minister hi Pu RK Singh, IFS, PCCF; Pu Pee Lee Ete, IFS, Conservator of Forest (Eastern Circle); Pu Lalduhthlana, DFO Champhai; Pi Lawmnapari, DFO (Wildlife) Khawzawl, Pu C.Lalkhawthanga, DFO N.Vanlaiphai leh thawktu dangten an lo dawngsawng a ni.

He mi hnu hian Minister hian thla thar October, 2022 a Diocese Catholic Hmeichhe Pawl inkhawmpui thlenna hmun tur Parish Hall, Bethel Chhura Hmun-a inpuahchahna kalpui mek a tlawh a, hotute a kawm bawk.

EF&CC Minister Pu T.J. Lalnuntluanga chuan vawiin chawhnu dar 4 khan Sawrkar laipui Environment, Forest & Climate Change Minister Pu Bhupender Yadav hova Forest Minister leh Department hotute intawhkhawmna, Gujarat-a neih tur chungchanga inrawnkhawmna, video conference kaltlanga neih chu National Informatics Centre (NIC), DC Complex Champhai atangin a zawm nghal bawk a ni.