502/2023-2024

Khawzawl, the 19th May, 2023: Vawiin chawhma dar 10:00 khan PHED Khawzawl WATSAN Division hnuaia thawktute tan KVK Farmers Training Hall, Khawzawl-ah nikhat awh 'Sensitization Workshop on Water Supply and Sanitation' buatsaih a ni. Workshop hi Khawzawl PHE Executive Engineer (E.E.) Er. Liantluanga Chohte chuan kaihruaiin Champhai WATSAN Circle Superintending Engineer (S.E) Er. Thanchungnunga'n khuallian niin a hmanpui a ni.

Khuallian Er. Thanchungnunga chuan Khawzawl PHE WATSAN Division-a Sensitization Workshop buatsaih a ni chu lawmawm a tih thu a sawi a. Tha taka scheme kalpuite'n hun rei tak a daih thu leh tha lo chung chunga commission erawh kum reilote-ah a chhiat leh mai thin thu a sawi a. Thawktute chu an hna khawih chinah hlawhtlinna tha tak an neih theihna tura ngaihtuahna leh rilru pawh hmang nasa turin a fuih a. SE chuan sanitation chungchang ngaihthah a awl tih sawiin, thianghlimna hi thil kalpui har tak, langsar em em si lo, sum leh pai han hnuhluh mai theihna thil a ni lova, hnathawh pawh a lang mawh hle a. Chutichung chuan thianghlimna hi thil pawimawh tak a ni a, mimal atanga bultan chi ni a ni tiin, mimal tin kan fai phawt chuan chhungkua, vengah leh khuaah a kang kai a, mitin rilruah faina leh thianghlimna a awm zui thuai thin a ni, a ti bawk.

Chairman Khawzawl PHE E.E. Er. Liantluanga Chohte pawhin thu sawiin, workshop chu Khawzawl PHE WATSAN Division hnuaia Technical Staff-te'n intuaitharna leh an intihchak thar theih nana buatsaih a ni tih a sawi bawk.

Workshop-ah hian Rural Water Supply Scheme - Rabung Section, Khawzawl Section, Khawhai Section, Kawlkulh Section, Saitual, Saitual Rural, Ngopa Section bakah Urban Water Supply Scheme - Saitual, Ngopa, Khawzawl & Khawhai, SBM (G) & 15th. Finance Commission bakah Technical thil pawimawh leh Account vawn dante zirhona leh inhrilhhriatnate neih a ni.