Vawin khan PHED Mamit Division buatsaihin I& IPR Conference Hall-ah Mamit Division hnuaia Swachh Survekshan Grameen (SSG) Sub Division 2018 hawnna neih ani.
Er. Lalzuala SDO PHED chuan hawnna thu sawiin he programme hnuaiah hian India rampum faina Beihpui thlak kal mekah SSG 2018 hnuaiah khawtinte faina kawngah inelna neih mek ani a. Khaw mipui kan fai chuan kan hriselna a nghawng a ni tiin he khawfai Inelna kalpui hi August thla chhunga kalpui turah hian vengtin/khawtinte chu bawlhlawh a bawmah chauh paiha, ekinah chauh in thiar tur leh mahni in leh a velte fai taka vawnga khawfai ber lawmman la ngei thei tura tan la turin a sawm a. Faina kawnga beihpui thlakna turte a lem nen a entir a ni.
Swachh Survekshan -Grameen hi mipui ten kanlo hmelhriat ve anih tih leh khawtlangin faina leh thianghlimna kawngah kan tangkaipui ve anih tih central lam kanin hrilh hriat ve theihna tur Mobile application siam a ni a, play store atangin SWACHH SURVEKSHAN GRAMMEEN, 2018 tiin dowload theih a ni a ti bawk.
He hun hi Pu Peter Lalmuanzova,Co-ordinator chuan kaihruaiin Pi Lalrinmawii Pachuau JE, PHED Mamit Division pawhin faina kawnga mipui tih tur hrang hrang a sawi a ni.
He hunah hian Mamit Sub Division hnuaia khaw hrang hrang atangin VC memberte an kal ani.
Attachment
- Loading attachment...
