PHED Mamit Watsan Division hnuaia Swachh Bharat Mission( Gramin) hmalakna kalzelah Mamit District-in faina kawnga hma a sawn zel nan, thingtlang hmun kilkhawr ber thlengin, Children Sanitation Club din chhoh mek zel a ni.

Nimin khan Pi Laltharzeli   Ambassador Swatch Bharat  Mission (Gramin) Mamit District kaihruaina-in Nalzawl, Darlak leh Bawngva ahte Children Sanitation Club din thar leh niin khawlai tifaiin, hnatlang neih nghal a ni.

Ambassador Swach Bharat Mission( Gramin) chuan , thingtlang hmun kil khawr apiangah,  Faina leh thianghlimna zirtir chu kan  mamawh thusawiin, taksa vawnfai, Chenna in leh a vel tih fai leh khawchhung kawngkama  bawlhhlawh paih mai mai te, ataka  zirtir ngaite pui theia  a awm chu vannei a in tih thu a sawiin faina chu changkanna in a kentel a nih mai bakah kan hriselna atana pawimawh tak a nih thu a sawi bawk.

Mamit District chhungah PHED Mamit Division hmalakna hian thingtlang khaw 26-ah CSC  din a ni tawh  a, Heng khuah te hian naupang an phurin, faina kawnga hmala turin hnatlang pawh an thahnem thei hle a ni.

Heng khaw hrang hrangah hian Faina kawnga naupang enkawl chhunzawma lo buaipui tur tur Swachhagrahi dah zel an ni a, Khawtlang aiawh VC/ NGO leh Zirna lama thawk zirtirtu te'n an tawiawm tha thin hle bawk a ni.

Vawiin hian Pi Laltharzeli Ambassador, Swach Bharat Mission (Gramin) kaihruaina hian Suarhliap, Saikhawthlir, Damdiai, Vawngawnzo leh N. Sabualah te CSC hi din a ni leh ang.