Hnathawhna tur sum installment hmasa lokal atanga Chite Luia hna hrang hrang thawh dan tur chu nimin khan Aizawl Bawrhsap pisaah DC mawhphurhna latu Pu V. L. Hruaizela Khiangte kaihhruaiin sawiho a ni a. He project hnuaiah hian civil works bakah river front development atana hmalakna turte chu sum hmanna lian zinga mi an ni dawn a, faina kawnga inzirtirna peng hrang hrang atana sum senso tur pawh he project hian a keng tel bawk.

Save Chite Lui Coordination Committee (SCLCC) hnuaia Chite Lui chhanchhuah leh humhalh kawnga beihpui thlakna chuan Action Plan Phase-II a kai tan mek a. Phase-II ah hian a Chite Luia hna hrang hrang thawh dan turte chu ruahmanna siamin bawhzui a ni dawn a ni.

He thutkhawmnaah hian sorkar mi pawimawhte bakah SCLCC hruaitute an tel a ni.