Vawiin khan Commerce & Industries Minister Dr. R. Lalthangliana chuan chuan Chief Engineer BTRF, Birendar Singh chu a pisa-ah a kawm a, Mizoram kawng siam mek chungchang a sawipui.

Commerce & Industries Minister Dr. R. Lalthangliana chuan North Vanlaiphai-Thingsai kawng, BRTF kuta awm chu kawng pawimawh tak a ni chho mek tih a hrilh a, ngai pawimawh turin a ngen nghal a ni. Minister chuan Mizoram Sorkar-in Border Trade ruahmanna a siam mekah, International ramri kawng hi a pawimawh hle a ni, tiin a sawi a. Hei bakah hian Sangau kaltlanga Saiha lam awlsam taka pawh theihna a ni a, he lam tlangdungin kawngmha an neih hi a mul hle a ni, tiin a sawi a. A theih ang anga sorkar laipui lamah he kawng hi ngaih pawimawh a nih theih nan hmalak a tum thu a sawiin, ziakin sorkar laipui thuneitu lehkha thawn nghal a tum thu leh, Delhi kal hmasak berah thuneitute sawipui a tum a sawi a ni.

Birender Singh chuan, North Vanlaiphai-Thingsai kawng hi priority list-ah a tel loh avangin harsatna an tawh thu leh Darzokai-ah Mizorama lei (bridge) sei ber dawh a nih tur thu Minister chu a hrilh a. He lei dawh tur hi metre 240-a sei a nih tur leh kumin fur chhung hian buaipui ngai an buaipui fel hman a rin thu leh hun rei vak lovah hna man a nih tur thu a sawi.

Attachment

  • Loading attachment...