1827/2025-2026

Aizawl, 26th August, 2025 : PHE Department Minister Prof. Lalnilawma hovin Mizoram hmun hrang hrang a PHE Department hotute leh Engineer ten PHE Department in harsatna a tawh hrang hrang te sutkian dan tur sawihona online meeting (video conferencing) hmangin an nei.

He online meetingah hian PHED Minister Prof. Lalnilawma chuan tui thianghlim tel lovin mihring kan nun theih loh avangin leh PHE Department hi Mizoram mipuite hnena tui thianghlim pe thintu a nih angin kan hnathawh hi a pawimawh a, inthlahdah emaw induh thei kan ni lo a ti a. Mipui mamawh ang zawng zawng pe thei lo mahila, mipui te harsatna sukiang turin theihtawp kan chhuah a ngai a ni a ti. PHE Department a thawkte chu mipui tana ding an nih avangin mipuiin an mamawh leh harsatnate an rawn thlenin tha takin lo dawngsawng thin turin a chah bawk a ni.

Minister chuan PHE Department in harsatna an tawh avanga tui supply mumal mipui an pek theih loh chang a awm fo thin a, heng hunah te hian kan harsatna tawh te hi mipui hriat turin rang taka kan puanzar thin hi a pawimawh tih sawiin, khaw hrang hrang leh hmun hrang hrang a an harsatna tawhte chu a rang lama hotute hnenah thlen a, a sut kian dan tur a rang lama ngaihtuah a tul tih a sawi a, Department in hma kan sawn theihna turin ngaihtuahna kan sen a tul a, chumi tipuitling thei tur chuan kan dinhmunah theuh theihtawp kan chhuah a tul a ni a ti bawk.

He online meetingah hian Pi Teresy Vanlalhruaii, Secretary, PHED, Er. Zodinthari, Engineer-In-Chief, bakah Chief Engineer te an tel a ni.