Vawiin chawhnu khan PHED Minister Pu Zodintluanga chuan Atal Mission for Rejuvenation and Urban Transformation( AMRUT) 2016 - 17  hnuaia hmalakna Improvement of Aizawl Water Supply Scheme(IOAWSS) chu Rapid Sand Filter House, Reiek Kai Tlawngkamah a hawng.

Tui intur khawl hmanga thlit fim dan, Filtration Plant-ah enfiah ho a ni hnuaah Dihmunzawlah Official Function neih chhunzawm a ni.

IOAWSS hawngtu, PHED Minister Pu Zodintluanga chuan Aizawl khawpui tana tui pump chhoh man a to hle tih a sawi a. Mipui ten a hmanna tur ei leh in atan chiah hmang hram se a lawm awm hle ang a ti.  Aizawl khawpui acheng te intur chu mutmu tuah lova PHED Staff ten sawrkar sum tam tak senga, Tlawng tuinu mipui intlak tura an then thianghlim hnua chhawnghniha pump chhoh a Tuikhuatlang atanga sem leh chhawn a ni a. Lirthei silna, thawmhnaw sukna, Pangpar tui pekna emaw ho lam taka hman loh hram ni se a lawmawm hle ang a ti.

Pu Zodintluanga chuan, " Hmanni lawk thleng kha chuan kum 30 zeta upa, pipe hlui leh lian vak lo, Aizawl khawpuia cheng mihring Singriat bawr vel tana duan hmangin Aizawl khawpui a cheng mipui Nuai hnih leh singriat vel kan chawm a ni a. Aizawl khawpui floating population hi 4.8 Lakh vela chhut a ni a. Pipe  a hlui a, kan pump nasa nen a lo puak ta zeuh zeuh nen kan mangang thin tak zet a. Tui tlakchham chu sawiloh pipe puakin chhiatna lian zawk a thlen hlauthawng khan kan hnathawktute an mut mangloh chang pawh a tam a ni a ti", a ti. Tuna tui dawt lian phum thar chuan Kum 30 a upa pipe hlui a thlak vek thu leh a thlamuanawm sawt tih a sawi a. Power supply thazawk hmuh theih hunah phei chuan Aizawl khawpui a mipui chevel nuai li leh sing riat tan tui thianghlim chhawpchhuah a harsat a rinawm loh a. Tui connection pipe te pawh mimal ten pipe tam tak an lei a tul lohna turin T- Cluster tam tak vuah belh mek a ni a. Tui put thin pawh chinfel tumin chak gakin hmalak mek a ni a ti.

IOAWSS hawnna inkhawm hi Pu KT Beicho, Commissioner & Secretary, PHED in a kaihruai a. Pu Er C. Lallunghnema, CE, Zone-I in Technical Report a pe a, PHED E-in-C Er Lalmuanzova pawh in thu  sawina hun  a hmang a ni. Vawiina PHED Minister in a hawn tak hi AMRUT sum Rs 1550.Lakh senga IOAWSS Sub project te zinga  a thenkhat -  Aizawl Water Transmission Division hnuaia Metre 6060 a sei, Aizawl khawpui tlan ber,  tui Intur lakna tuidawt lianber(Pumping Main 350mm ERW Pipe of Phase -I), Nikhat chhunga tui thianghlim Litre 108,00,000/- thlifim thei, New Filter House for Phase -I, Aizawl Water Distribution Division North hnuaia Pressure Reducing Valves -1720 Nos.,  Extension of Distribution Lines - 8050.50 Metres,  Aizawl Water Distribution Division South hnuaia Pressure Reducing Valves - 534 Nos, Distribution Lines - 8594.80 Metres bakah T- Clusters -92 Nos te a ni.

Attachment

  • Loading attachment...